СҚО бас имамы Хамзат Қажымұратұлы Алматы қаласына барған іссапарында Нұр-Мүбәрак университетінде оқып жүрген солтүстікқазақстандық бір топ студенттермен кездесті.
Арнайы жасалған дастархан басында бас имам студенттерге жазғы демалыс уақытында кітап оқып білімін шыңдаумен айналысу қажеттігін және өңіріміздің сенім артқан түлектері ретінде өздерін тәртіпті ұстау бойынша әңгімелесті.
Содан кейін «Зекет» қайырымдылық қорының атынан әрбір студентке 50 мың теңгеден бір реттік сыйақы тапсырылды.
Іссапар барысында Солтүстік өңірдегі мешіттерде кадрлық мәселені реттеу бойынша Нұр Мүбарак университетінің проректоры Құрманбаев Қайратпен кездесті. Онда дін қызметкерлерінің қандай аудандарға қажетті және саны бойынша нақты сұраныс хат жіберуін, сонымен бірге «Оңтүстіктен Солтүстікке көшу» бағдарламасы бойынша да ұсыныстар беру туралы сөз болды.
Солтүстік Қазақстан облыстық Қызылжар орталық мешітінің баспасөз қызметі
