ҚМДБ-ның СҚО өкілдігінің ұйымдастыруымен «QАМQOR-SНARAPAT» салттық қызмет көрсету орталығының қатысуымен Қызылжар ауданы Бескөлауылындағы мұсылмандар зиратында «Өткенге құрмет – тіріге міндет» жоспарлы шара аясында тазалық жұмыстары жүргізілді.
ҚМДБ-ның тапсырмасына сәйкес, жер-жерлерде мешіт ұжымы мен жамағаттарының қатысуымен өтіп жатқан сенбілік жұмыстарына дін қызметкерлері мен ерікті жамағат, сондай-ақ жергілікті атқарушы органдар мен мекемелер де қатысты.
СҚО-ның бас имамы Хамзат Қажымұратұлының тапсырмасымен өткен шара барысында «QАМQOR-SНARAPAT» салттық қызмет көрсету орталығының облыс бойынша жауапты меңгерушісі Жумажанов Мақсат қатысушыларға сауапты істер, тазалық жұмыстары жөнінде насихатын жеткізіп, жыл сайын қолға алынып отырған сауапты іске ұйытқы болып, тазалық жұмысына жұмыла атсалысқан барлық мұсылмандарға ризашылығын білдірді.
Сонымен қатар, бейіттегі марқұмдардың рухына арналып қасиетті Құран бағышталды.
Солтүстік Қазақстан облыстық Қызылжар орталық мешітінің баспасөз қызметі
