ҚМДБ Солтүстік Қазақстан облысы бойыша Шариғат және пәтуа мамандары 2023 жыл басынан бері 2897 сұраққа жауап берді.
Пәтуа мамандары жеке кездесуде, телефон арқылы хабарласушыларға және әлеуметтік желі қолданушыларының сауалдарына жауап беріп келеді. Мәселен, биыл 1514 сұраққа жеке кездесуде жауап берілсе, телефон арқылы 869, ал әлеуметтік желі қолданушыларының 514 сұрағына жауап берілді.
Атап айтқанда, сенім мәлелері бойынша 387, ғибадат бойынша 1370, отбасылық құндылықтарға қатысты 309, мүліктік қатынастар бойынша 255, әр түрі сұрақтар бойынша 576 сұрақ-жауап берілді. Сонымен қатар әр жұма сайын қала, аудан мешіттерінде ҚМДБ ғұламалар кеңесінде бекітілген пәтуалар бойынша пәтуа сағаты өтіп келеді.
2023 жылы Ғұламалар кеңесінде қабылданған пәтуаларды түсіндіру бойынша имамдарға 11 семинар, ал мешіт жамағатына 252 пәтуа сағаты ұйымдастырылды.
Сондай-ақ шариғат және пәтуа мамандары жас отбасыларға түсіндірме жұмыстарын да жүргізіп отырды.
Облыстық Қызылжар орталық мешітінің баспасөз қызметі
