Түсіндірмесі: Алдау бір затты шынайы бейнесінде көрсетпеу, бұрмалау, жалған мәлімет келтіру, біреудің есебінен заңсыз жолмен пайдаға кенелу. Алдаудың түрлері өте көп: саудада таразыда жеу немесе сапасыз зат ұсыну, жалған құжаттар дайындап, т.б. Алдау – мектеп қабырғасында жақсы баға алу үшін көрші баладан көшіру арқылы болуы мүмкін. Бұл амалы ол үшін бейкүнә болып көріну мүмкін, бірақ бұған еті үйренген ол келесі жолы ол одан да үлкен істе алдауы мүмкін.
Адамды алдау,
Арыңның алдында қылмыс.
Ағаңды алдау,
Анаңның алдында қылмыс, демекші біреуді алдау, арыңды аттағанмен тең. Алдау арқылы мүмкін уақытша жетістікке, байлыққа жетерсің, бірақ ұзаққа бармайсың, бір күні шынайы бейнең ашылғаннан кейін атағыңнан да мансабыңнан да, байлығыңнан да айрыласың. Ондай адам қалған өмірін жалғыздықта, қадірсіздікте өткізеді.
Return to Top ▲