Облыстық «Қызылжар»орталық мешітіне аудандар мен қала мектеп оқушылары демалыс күндері арнайы келіп, имамдардың дін тақырыбындағы ақыл-кеңестерін тыңдап қайту игі дәстүрге айналған. Жақында Алла үйіне Петропавл қалалық №-20 орта мектеп шәкірттерінің де жолы түсті. Оларға мешіттің найб имамы Аян Алыпқашев ізетті ұл-қыз қоғам тірегі екенін, жат ағымдардың зардабы, жаман әдеттердің жарға жығатыны жайында уағыз айтып, дұрыс жол, түзу бағыт нұсқады.
«Қызылжар» орталық мешітінің
баспасөз қызметі.
