Қазақстан мұсылмандары діни басқармасының жыл сайынғы тапсырмасы бойынша Солтүстік Қазақстан облысының мешіттері «Мектепке жол» қайырымдылық акциясына қатысты іс-шаралар өткізіп келеді. Бұл акция тамыз айының 1-інен басталған болатын.
Бүгін «Қызылжар» орталық мешітінің ұйымдастыруымен «Мектепке жол» акциясы өткізілді. Онда көпбалалы және жағдайы төмен отбасынан 14 балаға мектепке керек-жарақтар табысталды. Ата-аналар мешіттердің осындай қайырымды іс шаралар жасап, оларды қолдап жүргендеріне ризашылықтарын білдірді.
«Қызылжар» орталық мешітінің
баспасөз қызметі
