Солтүстік Қазақстан облысы өкілдігінің ұйымдастыруымен ҚМДБ-ның « Ислам және Дәстүр құндылығы» іс-қызметтері бағытының аясында өңірдегі белсенді ақсақалдардың қатысуымен алқалы кеңес өтті.
Кеңестің мақсаты мешіт жанынан «Аталар мектебін» құру, және оның жұмысын жандандырып, халыққа насихаттау.
Қызылжар орталық мешітінде өткен атаулы шараға өңірдегі беделді ақсақалдар мен имамдар қатысты. Солтүстік Қазақстан облысының бас имамы Хамзат Қажымұратұлы «Ислам және ізгі қоғам» жылы аясында бірқатар іс-шаралар өткізіп, жаңа бастамалар мен игі кездесулер ұйымдастырып келе жатқанын тілге тиек етті. Бүгінгі ашылып отырған «Аталар мектебі» алдағы уақытта қоғамдағы жастарға дұрыс бағдар беруге, салт-дәстүр, әдет-ғұрып негіздері туралы насихаттау бағытында арнайы жоспар құрып, жұмыс істейтін болады,-деді бас имам.
облыстық Қызылжар орталық мешітінің баспасөз қызметі
