ҚМДБ Республикалық ақпараттық-насихат тобының (РАНТ) мүшесі, Солтүстік Қазақстан облысы Қызылжар орталық мешітінің наиб имамы Мақсат Жұмажанов жұмыс сапарымен Қарағанды облысына барды.
Сапар барысында Мақсат Аманжолұлы Әбілқас Сағынов атындағы Қарағанды техникалық университетінің студенттерімен кездесті. Жас буынға «Білім алудың маңызы және жат ағымнан сақтану» тақырыптарында дәріс өткізді.
Бұдан кейін Мақсат Аманжолұлы Қарағанды облыстық «Әнет баба» мешітінде «Жамағаттың ауызбіршілігі» тақырыбында РАНТ мүшесі Мақсат Аманжолұлы уағыз-насихат айтты.Пайғамбарымыз (с.ғ.с.) өзінің бір хадисінде : «Ауызбіршілікте – Алланың мейірімі, бөлінуде – қаһары бар» (Имам Ахмад) – деп ауызбіршілікті сақтаудың маңызын көрсетеді.
Асыл дініміз барша адамзатты бірлік пен бейбітшілікте өмір сүруге шақырады. Имам қоғамдағы кейбір діни көзқарастар мен талас-тартысқа қарамастан ауызбіршілікті сақтаудың маңызы жайлы насихат айтты.
