Жақында дін жанашыры қалалық «Қызылжар» мешітіне су жаңа көлікті тарту етті. Жомарт жан өз қаражаты есебінен құлшылық үйіне LADA Vesta автокөлігін сыйлаған.
Сыйға берілген бұл көлік мешіт қызметінен бөлек, «Зекет және қайырымдылық» қорының жұмысын да біраз жеңілдетпек. Енді мешіт қызметкерлері аудандарға еш қиналмастан қатынап, азаматтарға көмек қолын соза алады.
Өңірдің бас имамы Хамзат Қажымұратұлы мен қалалық «Қызылжар» мешітінің бас имамы Қасымхан Исаев қолы ашық, жомарт жанға жамағат атынан алғыс айтып, ризашылығын білдірді.
