ҚМДБ Солтүстік Қазақстан облыстық өкілдігі, «Қызылжар» орталық мешітінің ұйымдастыруымен Сәбит Мұқанов атындағы облыстық кітапханада «DINTELLECT» интеллектуалды білім сайысы өтті. Өңіріміздегі мешіт қызметкерлері қатысқан білім додасында Солтүстік Қазақстан облысының бас имамы Хамзат Қажымұратұлы сөз сөйлеп, қатысушыларға сәттілік тіледі. Білім сайысына 3 топ қатысып, жалпы эрудицияға, ислам тарихына, пайғамбарлар және сахабалар өміріне, Қазақстан және әлем тарихына, салт-дәстүрге және әдебиетке негізделген түрлі форматтағы сұрақтардан тұратын 5 кезең бойынша сынға түсті. Сайыс нәтижесінде белсенді қатысқан және жоғары ұпайға ие болған имамдарға алғыс хаттар мен дипломдар табысталды.
Қызылжар орталық мешітінің баспасөз қызметі
