«Ислам және отбасы құндылығы »жылы аясында облыстық «Қызылжар» орталық мешітінің бас имамы Хамзат Қажымұратұлы облыстық қылмыстық-атқару жүйесі департаментінің №48 мекемесінде жазасын өтеуші азаматтармен кездесу өткізді.
Кездесу барысында бас имам жазасын өтеушілермен сұхбат жүргізіп, «Мұсылман адамның қоғам алдындағы жауапкершілігі» тақырыбында насихат айтты. Сондай-ақ, азаматтардың көкейінде жүрген сауалдарына жауап берді.
Жалпы СҚО бойынша осындай 5 түзету мекемесінде дін қызметкерлері бекітіліп, әр апта сайын азаматтармен жеке және топтық кездесулер ұйымдастырылады. Сонымен қатар жазасын өтеушілер мешіт тарапынан арнайы діни оқулықтармен қамтамасыз етіледі.
