Петропавл қалалық «Нұр» мешітінде екі дүниенің пайғамбары Мұхаммед (с.ғ.с) туған Мәуліт айының құрметіне және пайғамбарымыздың сүннетін ұстанып бейсенбі күні ораза ұстаған жамағатқа ауызашар берілді. Дастархан басында мешіт имамы Әбілхан қажы мен «Қызылжар» орталық мешітінің ұстазы Хамзат Әділбеков «Пайғамбарымыздың сирасы және сүннетті ұстанудың маңызы» туралы уағыздар айтты. Кейін үлкен экраннан Мәуліт айының мән-маңызын аша түскен деректі фильм көрсетілді. Ауызашар соңы дәстүрлі әнші әрі мешіт жамағаты Біржан Есжановтың орындауындағы әуезді әнге ұласты.
«Қызылжар» орталық мешітінің
баспасөз қызметі
