Қажылық маусымында Джидда халықаралық әуежайы сағатына кемінде 4300 қажыны қабылдайды. Бұл туралы Абдул Азиз король атындағы Халықаралық әуежайдың Қажылық жөніндегі директоры Халид бин Муслим әл-Харби мәлімдеді.
Директордың айтуында, қажыларды қабылдау үшін арнайы 13 зал бөлінген.
«Әуежайдан әр адамға автобусқа мініп кету үшін 45 минут уақыт беріледі. Біздің ойымызша, ешқандай кідіріс болмайды. Өткен жылы болған келеңсіздіктер жекелеген туристік агенттіктердің жұмыстарына байланыс туындады», – деп атап өтті директор.
Еске сала кетсек, биылғы қажылық маусымы 20 тамызда басталады.
E-islam.kz
«Қызылжар» орталық мешітінің
баспасөз қызметі
