Орыс биографиялық институты экономикалық стратегиялар институтымен бірлесіп, федералдық арналар мен БАҚ-тың қолдауымен Қазақстан Президенті Нұрсұлтан Назарбаевқа Ресейдегі «Жыл адамы – 2014» атағын берді.
Қазақстан Президенті Нұрсұлтан Назарбаев ЕАЭО құрғаны үшін Ресейде «Жыл адамы – 2014» атанды.
Нұрсұлтан Назарбаевтан басқа тағы төрт елдің басшысы Ресейде «Жыл адамы – 2014» атанды. Олардың ішінде Ресей Федерациясының президенті Владимир Путин, Беларусь Республикасының Президенті Александр Лукашенко ЕАЭО құрғаны үшін, Армения Республикасының президенті Серж Саргсян – ЕАЭО-мен саяси және экономикалық байланысты нығайтқаны үшін, ҚХР төрағасы Си Цзиньпин Ресей Федерациясымен экономикалық және саяси байланысты нығайтқаны үшін марапатталды, делінген аталған институттың сайтында.
Еске сала кетейік, Астанада мамыр айында Қазақстан, Ресей және Беларусь елдерінің басшылары маңызды құжаттардың бірі – Еуразиялық экономикалық одақ қуру туралы келісімшартқа қол қойған. ЕАЭО өз жұмысын 2015 жылдың 1 қаңтарынан бастайды деп күтілуде.
«Жыл адамы» ұлттық премиясын 1993 жылы Орыс биографиялық институты бекіткен.
Бұл марапатқа еңбегімен көзге түскен РФ азаматтары, жеке аталымдарда өзге ел өкілдері ие бола алады.
