Асырауында баласы бар мүгедек аналардың «Асыл ана» қоғамдық бірлестігіне қамқорлық жасау «Қызылжар» орталық мешітінде жолға қойылған. Осы бірлестіктің мүшелері Ораза айттың бірінші күні «Қызылжар» орталық мешіті жайған дастарқаннан дәм татты. Онда «Қызылжар» орталық мешітінің наиб имамы Қасымхан Абдуллаұлы лебіз білдірді. Мешіт ұстазы Ажар Бақытқызы әйелдердің қоғамдағы орны туралы уағыз айтты. Осы мешіттің тағы бір наиб имамы Мұхаммад-Құтб Файзиев Құран оқыды. Шара соңында «Асыл ананың» төрайымы Теңдік Сәрсекеева ризашылық сезімін жеткізді.
«Қызылжар» орталық мешітінің
баспасөз қызметі
