ҚМДБ Төрағасы, Бас мүфти Наурызбай қажы Тағанұлының бастамасымен биылғы жыл – «Ислам және отбасы құндылығы жылы» болып жарияланып, 2025 жылға арналған жаңа жұмыс жоспары бекітілді.Осыған орай облыс орталығында өңірдің бас имамы Хамзат Қажымұратұлының қатысуымен алқалы жиын өтті. Оған барлық қалалық, аудандық мешіт имамдары жиналды.
Облыстың бас имамы Хамзат Қажымұратұлы Бас мүфти Наурызбай қажы Тағанұлының бағдарлық баяндамасында бекіткен тапсырмаларын қала, аудан имамдарына кеңінен таныстырып, нақты тапсырмалар берді.
Сондай-ақ жиын барысында Астанадан келген «Иман» журналы және «Мұнара» газетінің бас редакторы Хасан Серікбол өңір имамдарына «Жалған ақпарат жарға жығады» тақырыбында дәріс өткізді.
Жиын соңында былтыр белсенді жұмыс атқарған имамдар Бас мүфти Наурызбай қажы Тағанұлының алғыс хатымен марапатталды.
