Соңғы жылдары қалыптаса бастаған дәстүрге сай биыл қасиетті рамазан айының алғашқы ауызашарын Қызылжар орталық мешіті берді.
Алла Тағаланың разылығы үшін таңнның атысы мен күннің батысы аралығында ішіп-жеуден, нәпсі қалауларынан тыйылып, сабыр мен шыдамын шыңдай түскен жамағат пен арнайы шақырылған қонақтарға ақшам намазынан соң мешіт асханасында мүбәрак айдың берекелі дастарқаны жайылды.
Сауапты шара – ауызашарға жиналған жұртшылықты Рамазан айының басталуымен облыстық ардагерлер кеңесінің төрағасы Ескендір Елеусізов, облыс әкімінің орынбасары Марат Тасмағамбетов құттықтады.
Рухани жиын басында облыстың бас имамы Хамзат Қажымұратұлы көпшілікке уағыз айтып, оразаның мән-маңызын түсіндіріп, ауызашар беру – сауабы мол амалдардың бірі екендігіне тоқталды.
облыстық Қызылжар орталық мешітінің баспасөз қызметі
