СҚО бойынша «Зекет және қайырымдылық» қоры Қарттар күніне байланысты жүйелі іс-шаралар ұйымдастырады. Мәселен, облыстық «Қызылжар» орталық мешітінің ұстазы Мухаммадсолих Мирзаев пен Аққайың ауданының бас имамы Ақылбек Бердібеков Аққайың ауданындағы Смирново ауылындағы қарттар үйіне арнайы барып, ақ дастархан жайды.
Қариялар мешіт қызметкерлерінің уағыздарын тыңдап, өздерін толғандырған сұрақтарына жауап алды. Қарттар үйінің тұрғындары мен басшылығы бұл кездесуге дән риза болып, өз алғыстарын білдірді.
Қазіргі таңда қарттар үйінде 232 қария тұрып жатыр. Ұлт қазынасы қарияларымыздың көңілін жұбатып, көңілдеріне медеу, жандарына жылу сөз арнаған қайырымдылық шарасы алдағы уақытта та жалғасын таба бермек.
