Елімізде ҚМДБ «Зекет және қайырымдылық» қорының ұйымдастыруымен «Жылу сыйла» акциясы бастау алды. Бұл акцияға Солтүстік Қазақстан облысы да үн қосты. СҚО-дағы «Зекет және қайырымдылық» қорының өкілі Қасымхан Абдуллаұлының бастамасымен өңірде әлеуметтік жағдайы төмен, көп балалы, көмекке мұқтаж 13 отбасыға 24 тонна көмір және 5 текше метр отын алынды.
Сонымен қатар Мағжан Жұмабаев ауданында орналасқан «Береке» мешітіне демеушілердің көмегімен 35 тонна көмір сатып алынды.
Сондай-ақ көп балалы, көмекке зәру отбасы азық-түлікпен қамтамасыз етілді. Үй жағдайына қажетті кілемдер де табысталды. Сонымен бірге «Отбасылық үлгідегі балалар ауылы» коммуналдық мемлекеттік мекемесінде арнайы балалардың қолданысына 5 кілем берілді.
