Облыстық «Қызылжар» орталық мешітінің бас имамы Хамзат Әділбеков іс-сапармен Ғ.Мүсірепов ауданында болды.
Сапар аясында аталған ауданның әкімі Серік Мұхамадиевпен жүздесіп, діни ахуал талқыға салынды.
Кейін Хамзат Қажымұратұлы Ғ.Мүсірепов ауданының имам-молдаларының білімі мен біліктілігін жетілдіру мақсатында «Уағызшының тұлғалы келбеті» тақырыбында семинар өткізді.
Жұмыс күні соңында жергілікті ақсақалдармен бас қосып, бірқатар мәселелерді көтерді. Сондай-ақ, жамағатпен кездесу өткізіп, «Уақыт құндылығы» тақырыбында уағыз жүргізді.
