Жұмабек Тәшенов атындағы №20 орта мектебінің бір топ оқушылары облыстық «Қызылжар» орталық мешітіне арнайы экскурсия жасады.
Мешіт қызметкері, «Жастар ісі» секторының маманы Мақсат Жұмажанов жас жеткіншектерді қарсы алып, мешіттің тыныс-тіршілігімен таныстырып, балалардың сан алуан сауалдарына жауап берді. Сондай-ақ, Мақсат Аманжолұлы жат ағымның зардабы мен Әбу Ханифа мәзхабы бойынша дұрыс намаз оқудың жолын да түсіндіріп берді. Экскурсия соңында алған әсерлерімен бөліскен оқушылар алдағы уақытта да Алла үйіне келетіндерін жеткізді.
