Петропавл қалалық «Нұр» мешітінің наиб имамы Наржігітов Зиятбек Ахметұлы Ж.Тәшенов атындағы №20-шы орта мектебінің 9-шы сынып оқушыларымен кездесу өткізді. Жиын барысында «Діни экстремизм» төңірегінде сұхбат жүргізді. Сонымен қатар, Ислам дінінің терроризмді лағынеттейтін дін екендігі жөнінде әңгіме өрбітті. Кездесу соңында оқушылар сұрақтарын қойып, көкейлеріндегі мәселелерді ортаға салды. Осындай кездесулердің жиі болуын сұраған мектеп ұстаздары да мешіт қызметкерлеріне алғыстарын білдірді.
«Қызылжар» орталық мешітінің
баспасөз қызметі
