Кеше Үкімет басшысы Кәрім Мәсімов бастаған қазақстандық делегация Қазан қаласындағы Кул Шариф мешітін зиярат етті. Құрметті қонақтармен бірге құлшылық ордасына Татарстан президенті Рустам Минниханов та келіп, мешіт ішін бірге тамашалады.
Қонақтарды Татарстан мүфтиі Камиль Самигуллин қарсы алып, татар халқының мәдениеті мен дәстүрі жайлы мәліметтермен қанықтырды. Осыдан соң Алла Тағаладан қазақ халқының амандығын тілеп, қол жайып дұға жасалды.
