Қазақстан Мұсылмандары Діни Басқармасы Солтүстік Қазақстан облысы бойынша өкілдігінің ұйымдастыруымен «Шариғат және діннің дәстүр тағылымы» тақырыбында семинар өткізілді.
Семинар басталмас бұрын Шымкент қаласы мешітінің бас имамының орынбасары Мұхамеджан Жамантайұлы биыл елімізде 130 жылдығын атап өтіп жатқан Алаштың ардақты ақыны Мағжан Жұмабаевтың рухына арнап құран оқыды.
Семинарға өңірдегі аудандық мешіттердің имамдары қатысты. Шараның негізгі мақсаты дәстүрлі қазақ қоғамындағы шариғат нормаларының көріністері, бүгінгі таңда жастарымызды тәрбиелеуде дін мен дәстүр сабақтастығын түсіндіру. Яғни, жастардың діни-дүниетанымдық көзқарастарын дұрыс қалыптастыруында ислам діні мен қазақ салт-дәстүрлерінің бір-біріне қайшы келмейтіндігін, сондай-ақ еліміздің ынтымағын, бірлігін, бейбітшілігін сақтап, ұлттық мәдениетімізді, тілімізді, әдет-ғұрыпымызды жоғалтпай, келешек ұрпаққа жеткізу.
Қызылжар орталық мешітінің бас имамы Хамзат Қажымұратұлы «Шариғат және діннің дәстүр тағылымы» тақырыбы бойынша семинарға қатысқан өңір имамдарына, арнайы сертификат табыстады.
Қызылжар орталық мешітінің баспасөз қызметі
