«Ақ орамал» республикалық акциясы біздің облысымыздан басталды. Елбасының Вашингтон қаласында өткен ядролық қауіпсіздік жөніндегі саммитте жариялаған «Әлем.21 ғасыр» манифисін ілгерілетуді қамтамасыз етуді көздейтін бұл акцияны Қазақстан халқы ассамблеясының жанындағы Аналар кеңесі қолға алған. Облыстық перинатальдық орталықта бастау алған акция бейсенбі күні Достық үйінде жалғасты. Бұл акцияға провославие шіркеуінің, рим-католик шіркеуінің және мешіттің өкілдері қатысып, өз лебіздерін білдірді. Солардың бірі – «Қызылжар» орталық мешітінің наиб имамы Қасымхан Абдуллаұлы «Ұрпақ тәрбиесі – ұлт болашағы» деген тақырыпта сөз сөйледі.
Бұл акция айдың аяғына дейін жалғасады.
«Қызылжар» орталық мешітінің
баспасөз қызметі
