Ғ.Мүсірепов аудандық Сарыбұлақ ауылында жаңа мешіт пайдалануға берілді. Мешіттің ашылу салтанаты аудан имамы Сейфулла Байсенбаевтың Құран оқуымен ашылды. Жиылған жамағатты Солтүстік Қазақстан облысының өкіл имамы Кенжетай қажы Байкемелұлының атынан «Қызылжар» орталық мешітінің наиб имамы Қасымхан Абдуллаұлы құттықтады. Бұл ауылда мешіт бұрын соңды болмаған еді. Имандылық үйінің құрылысы Тұрлыбек Біләлұлының демеушілігімен жүргізілген. Ауыл жамағаты демеушілер мен имамдарға өз алғыстарын білдірді.
«Қызылжар» орталық мешітінің
баспасөз қызметі
