ҚМДБ-ның Солтүстік Қазақстан облысы бойынша өкілдігі, Қызылжар орталық мешіті, Жастар ісі секторының ұйытқы болуымен қаладағы мешіттердің жамағаты арасында футболдан жарыс өтті.
Жарыста қаладағы мешіттерінің жамағатынан құралған құрама командалар бақ сынады.Тартысты өткен ашық турнирде «Төтенше жағдай» құрама командасы үздік шығып жеңімпаз атанды. Жеңімпаз командаға және үздік ойыншыларға бағалы сыйлық пен арнайы дипломдарды Солтүстік Қазақстан облысының бас имамы Хамзат Қажымұратұлы табыстады.Салауатты өмір салтын ұстанатын жастарға спортта да, өмірде де әрдайым жеңіс тіледі.
Солтүстік Қазақстан облыстық Қызылжар орталық мешітінің баспасөз қызметі
