Өңіріміздегі Ғ.Мүсірепов ауданындағы Шұқыркөл ауылы аудан орталығынан 30 шақырымдай қашықтықта жатыр. Шұқыркөл ауылдық округіне Шұқыркөлден басқа «Қазақстанның 15 жылдығы», Жаңасу ауылдары да кіреді. Жалпы халық саны 3,5 мыңнан асады. Бұл округте негізінен қаймағы бұзылмаған қазақ ауылдары. Сондықтан да мұнда халыққа мешіт салу қажеттігі туындап, Алланың қалауымен мешіттің құрылысы басталған болатын. Бүгінде ауылдың ахуалын және мешіттің құрылысын көру үшін Солтүстік Қазақстан облысының бас имамы Хамзат Хажымұратұлы арнайы барып ауыл ақсақалдарымен кездесті.
Мешіт құрылысын «Атамекен» ЖШС-і жүргізіп жатыр. Бас имам Хамзат Қажымұратұлы Алланың жердегі үйін салуға үлестерін қосып жатқан азаматтарға алғысын білдіріп, сәттілік тіледі.
Солтүстік Қазақстан облыстық Қызылжар орталық мешітінің баспасөз қызметі
