بِسْمِ اللهِ الرَّحْمَنِ الرَّحِيمِ
اَلْحَمْدُ للهِ رَبِّ الْعَالَمِينَ وَالصَّلاَةُ وَالسَّلاَمُ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ وَأَمَّا بَعْدُ
Аса мейірімді, рахымды Алланың атымен.
Барлық мадақ әлемдердің Раббысы Аллаға тән. Адамзаттың асылы Мұхаммедке, оның отбасы мен сахабаларына салауат пен сәлем болғай!
Ақыреттi ойлап қабiрстанды зиярат етуге болады. Барған адамдар дұға жасауы, мәйіттер үшін Құран Кәрімді оқып бағыштағаны жөн. Мәйітке оның пайдасы бар. Қабiрстанға жұма яки одан бiр күн бұрын немесе кейiн барса да болады. Зияратқа барған адамның мына сөздердi айтуы керек:
“Әссәләму ъаләйкум иә әһләл-қубуур, уә иннә инша Аллаһу бикум ләлаахиқун уа әс-әлуллоһа ләна уә ләкумул ъафияһ”.
(«Уа қабірстан қауымы! Сізге Алланың сәлемі болсын! Алла қаласа әлбетте біз сендерге қосыламыз. Алладан бізді және сендерді кешіруін тілеймін»)
Пайғамбарымыздың (с.ғ.с) қабiр-шәріпiне зиярат ету сауап.
Пайғамбарымыздың хадис шәріптерінде: «Қабірлерге зиярат етіңдер. Ол ақиретті еске түсіреді» делінген.
Зиярат етушi зияратты шариғат үкiмдерiне сай атқаруы тиiс. Марқұмдардан еш нәрсе сұралмайды.
