بِسْمِ اللهِ الرَّحْمَنِ الرَّحِيمِ
اَلْحَمْدُ للهِ رَبِّ الْعَالَمِينَ وَالصَّلاَةُ وَالسَّلاَمُ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ وَأَمَّا بَعْدُ
Аса мейірімді, рахымды Алланың атымен.
Барлық мадақ әлемдердің Раббысы Аллаға тән. Адамзаттың асылы Мұхаммедке, оның отбасы мен сахабаларына салауат пен сәлем болғай!
Мәйiт сүйегi қабiрде әбден шiрiп жоқ болды-ау дегенге дейiн қабiрдi ашу харам. Бірақ та мәйiт бiреуден тартып алынған кебінге кебінделген немесе тартып алынған жерде жерленген, яки жер иесi мәйіттің онда жерленуіне қарсы болса, немеcе мәйiт түрлi дүние-мүлiкпен бiрге жерленсе, қабірді қайта ашуға болады. Бұл ретте мәйiттiң бұзылған-бұзылмағандығына қарамайды. Мәйіттің жақындары жерді немесе кебін ақшасын иесінен сатып алса, яки басқа жолмен ризашылығын алған жағдайда қабір қайта ашылмайды. Сондай-ақ, қылмысты тексеру секілді кейбір себептерге байланысты құзырлы органдар қабірді ашуды талап еткен жағдайда, талап орындалады.
