Облыс орталығында өңірдің бас имамы Хамзат Қажымұратұлының қатысуымен аймақ имамдарының жылдық есептік жиналысы өтті.
2024 жылы атқарған жұмыстарды қорытындылауға барлық қалалық, аудандық мешіт имамдары және алқа мүшелері қатысты. Жиын барысында ҚМДБ тарапынан бекітілген 5 бағыт бойынша атқарылған істердің қорытындысы шығарылды. Яғни, «Дін мен дәстүр», «Ізгі қоғам», «Ихсан және насихат», «Діни оқу-ағарту», «Жат діни ағымдардан сақтандыру» сынды жұмыс бағыттары және аудандардағы мешіттердің жағдайы бойынша жалпы мәлімет берілді.
Жиын барысында СҚО бас имамы Хамзат Қажымұратұлы «MUFTIYAT» баспасынан жарық көрген «Дін мен дәстүр», «Бабалар ізімен» және «Ислам энциклопедиясы» кітаптарын таныстырып өтті. Оқырман қауымға жол тартқан кітаптарда дін мен қазақ халқының салт-дәстүрі, исламның қазақ даласына келу тарихы, халқымыздың әдет-ғұрпы, шариғат парыздары мен иман негіздері қамтылған.
Қала және аудан имамдарының жылдық есебін тыңдаған өңірдің бас имамы Хамзат Қажымұратұлы аталған жұмыстарға оң баға беріп, алдағы қызмет барысында сәттілік тілеп, келер жылға бірқатар тапсырмалар жүктеді.
