Облыс орталығының «Береке» шағын ауданында жаңа мешіт салынып жатыр. Оның құрылысымен өңірдің бас имамы Хамзат Қажымұратұлы танысты.
Жаңа мешітке Ұлт көсемі, алаш қайраткері Әлихан Бөкейханның есімі берілмек. Қазір мешітте ішкі әрлеу жұмыстары жүргізіліп жатыр. Айта кетейік, Алланың үйінің салынуына дінге жанашыр жандар ат салысуда.
Жаңа мешіттің маңы абаттандырылып, Әлихан Бөкейхан атындағы аллея пайда болады. Сәтін салса, мешіт қазан айында Республика күні қарсаңында салтанатты түрде ашылады.
