Бүгінде Солтүстік Қазақстан облысының көптеген аудандары су тасқынынан зардап шегіп отырғаны белгілі. Ел басына түскен мұндай қиын жағдайда «Жұмыла көтерген жүк жеңіл» деп, қайырымды азаматтар барынша өз үлестерін қосуда. Осы сәтте сауапты іске ҚМДБ Солтүстік Қазақстан облысының өкілдігіне қарасты мешіт имамдары да атсалысуда. Соның ішінде Қызылжар қалалық мешітінің наиб имамы Нұрлан Могомедовтың ұйымдастыруымен су тасқынына қарсы шараларға көмекке келген 400 сарбазға әскери институтта түстік тамақ берілді. Оған Бескөл құс фабрикасы жауапкершілігі шектеулі серіктестігі мен «Оңдасын Строй» жауапкершілігі шектеулі серіктестіктігі демеушілік жасады.
Солтүстік Қазақстан облыстық Қызылжар орталық мешітінің баспасөз қызметі
