«Қызылжар» орталық мешітінің ұйымдастыруымен Петропавл қаласындағы «Виктория» стадионында футболдан жарыс өтті. Турнирге өңірімізден барлық жалпы 4 команда қатысты. Әр командада 9 ойыншы футбол ойнады, ал ойынды әділ төрешілер басқарды. Ойын барысында жастар белсенділік көрсетіп, жарыс өте қызықты өтті.
Жарысты 2 команда финалға шығып, Қызылжар командасы жеңіп шықты. Жеңімпаздарды ҚМДБ-ның СҚО бойынша өкіл имамы, «Қызылжар» орталық мешітінің бас имамы Кенжетай қажы Байкемелұлының атынан наиб имам Мұхаммад-Құтб Файзиев құттықтап, 1,2,3 орын алған командаларды диплом, медаль және кубокпен марапаттады.
Жеңімпаз команда Астана қаласында жастар арасында өткізілетін «Ұлы Дала Жастары» атты Республикалық кіші футбол турниріне қатысады.
«Қызылжар» орталық мешітінің
баспасөз қызметі
