Құрбандық малын шалуға барлық жағдай жасалды

Маусым 29th, 2023

Құрбан айт мейрамының бірінші күні  Қызылжар қаласының жұмысшы кентіндегі арнайы белгіленген орында Құрбандыққа мал шалуға ниет еткен мұсылмандарға барлық жағдай жасалды. Ол жерде қасапшылар, малдың ішек-қарындарын тазалауға да арнайы адамдар қызмет етті.  Уақытымен дизенфекция жұмыстары жүргізіліп, барлық санитарлық-тазалық жұмыстары сақталды. Имамдар құрбан Алланың ризашылығы үшін құрбан шалып отырған адамдаға батасын беріп, дұға жасады.. Құрбан шалуға келген адамдар мұндай қызметке ризашылықтарын білдірді.

 Құрбан айттың құрметіне қайырымдылық жасалды

Маусым 29th, 2023

Құрбан айттың бірінші күні айт намазы оқылғаннан кейін мұсылман қауымы құрбандықтарын шалып, Алла Тағалаға ең жақын ететін  амалдарын жасауға кірісті мұсылман қауымының ұлық мерекесінде  Алла Тағала ризашылығы үшін мешітте тізімде тұрған  100 ден астам мұқтаж отбасыларына ет және азық-түліктен құралған сыйлықтар үлестірді. Мұндай қайырымдылық шаралардан қалада өрттен зардап шеккен отбасылар да құр қалған жоқ.  Облыс әкімінің және  облыстық мәслихат аппаратының шалған құрбандық малдарының еті де жетім балаларға үлестірілді. Тағы бір айта кетерлігі, мешітте сауат ашу курсында оқып жатқан 200 ден астам шәкіртке де мереке құрметіне арнайы дастархан жайылып, сыйлықтар таратылды.

ҰЛЫҚ МЕРЕКЕДЕ  ҰЛТТЫҚ ОЙЫНДАР ҰЛЫҚТАЛДЫ

Маусым 29th, 2023

Құбан айт мерекесінің құрметіне Қызылжар Орталық мешітінің әйел-қыздар секторының ұйымдастыруымен «Тәтті тағамдар жәрмеңкесі» өтті. Мешіттің ауласында екі қазан палау пісіріліп одан 300 ден астам адам дәм татты. Мешіттің жамағаты мен басқа да қала тұрғындары арасында ұлттық ойындардан жарыстар өткізілді. Арқан тарту, қазақша күрес, гір көтеру , қой көтеру басқа да ойындардың көркі қызды. Шәкірттер арасында құраннан сүрелер оқудан да жарыс болды. Құрбан айт мерекесіне қатысқандарға сыйлық берілді. Сонымен бірге ұлық мерекеде мешіттің тазалықшылары мен техникалық қызметкерлері де сыйлықталды. Тәжірибеден өтіп жүрген екі шәкіртке де демеушілердің атынан ақшалай сыйлық табысталды.

Қызылжар орталық мешітінің баспасөз қызметі

Қызылжардағы  Құрбан Айт мерекесі 

Маусым 29th, 2023

Айт намазы оқылды

Маусым айының 28 жұлдызында Қызылжар қаласының тұрғындары мен мешіт жамағаты орталық мешітке жиналып айт намазына қатысты. Қызылжар орталық мешітінің Бас имамының міндетін атқарушы Аян Болатұлы жиылған жамағатты Құрбан айт мейрамымен құттықтап, құрбан айт туралы және құрбандық шалу жайында уағыз-насихат айтты. Солтүстік Қазақстан облысының әкімі Айдарбек Сапаров жиылған мұсылман қауымын Құрбан айт мейрамымен құттықтап, жақсылықтар тілеп сөз сөйледі. Айт намазы оқылғаннан кейін Бас имамының міндетін атқарушы Аян Болатұлы жамағатқа мерекелік хұтпаны оқып, артынан құран бағышталып дұға жасалды.

Айт намазы оқылып болған соң,  мешіт жамағаты мерекенің құрметіне жайылған дастарханнан шәй ішіп дәм татты.

Қызылжар орталық мешітінің баспасөз қызметі

ҚҰРБАН АЙТ МЕЙРАМЫМЕН ҚҰТТЫҚТАУ

Маусым 27th, 2023

Хамзат Қажымұратұлы

      Солтүстік Қазақстан облысы  «Қызылжар орталық мешітінің»  бас имамы

Құрметті қызылжарлық мұсылмандар қауымы!

Сіздерді барша мұсылман қауымының ең ұлық мерекесі Құрбан айтпен шын жүректен құттықтаймын!

Әлемдегі мұсылман баласы үшін Жаратушымыздың белгілеп берген екі мейрамының ұлығы-Құрбан айт мерекесі. Бұл елдің бірлігі мен бауырластығын нығайтып, қанағат пен қайырымдылықты арттыра түсетін мейрам. Ұлтты ұйыстыратын осы ұлағаты мол дінді халқымыз өз ұлттық дәстүрімен үйлестіріп, ғасырлар бойы бекем ұстанып келеді. 

Құрбан айт – шынайы ниет пен Аллаға деген сүйіспеншілікті паш ететін мейрам. Халқымыз «Бота алғанша бата ал» дейді. Үлкеннің, жалпы көмекке мұқтаж жандардың алғысын алып, батасына бөлену – айт кезінде орындалатын сауапты істің бірі. Мұсылман баласының ұлық күнде шынайы ниетпен құрбан шалып, құрбандық етін мүгедектер мен жетімдерге, көпбалалы отбасылар мен қарттарға таратып, олардың алғысын алуға тырысатыны сондықтан. 

Құрбан айт – отбасы құндылығын арттыратын мереке. Ата-анаға, Құдай қосқан жарымызға, бала-шағамызға арнайы сыйлық беру, жаңа киім әперу – мейрамның сәнін келтіріп, мәнін арттырады. Мұндайда өскелең ұрпақ Құрбан айттың қадірі мен сауабын сезініп, ізгілікке ұмтылады, мерекені асыға күтеді.

Қадірменді ағайын, бауырлар!

Алла тағала шынайы ниеттеріңізді, ізгі амалдарыңызды және шалған құрбандықтарыңызды қайырымен қабыл еткей! Жаратушы Иеміз баршамызға екі дүниенің бақытын нәсіп етіп, жүзімізді жарық еткей! Еліміздің мерейі үстем, тәуелсіздігіміз тұғырлы әрі тыныштығы мәңгілік болғай!

Бейбіт өмірді мұрат тұтқан мұсылман қауымының ұлық мерекесі құтты болсын, ағайын!

Return to Top ▲Return to Top ▲