Солтүстік Қазақстан облыстық Қызылжар орталық мешітінің бас имамы Хамзат Қажымұратұлы Тимирязов ауданына арнайы іссапармен барды.
Қасиетті жұма күніне сәйкес келген кездесуде Тимирязов аудандық мешітінің жамағаты бас имамның жұма уағызын тыңдады. Содан кейін жиналған жамағат өздерінің көкейлерінде жүрген сұрақтарын қойып, тұшымды жауаптар алды. Мешітте қордаланған мәселелер аз емес, соның ішінде мешіттің есеп-қисабын жүргізуге есепші алу, жаңадан имам тағайындау, алқа мүшелерін қайта сайлау, мешіттің жылу мәселесі және дәрет алуға арналған арнайы бөлме ашу сияқты шешімін күткен мәселелер ортаға салынды. Айтылған мәселелерді мұқият тыңдаған бас имам Хамзат Қажымұратұлы бұл мәселелердің кейбірі қаржымен шешілетін болғандықтан, алдағы уақытта жұмыс жүргізілетінін айтты.
облыстық Қызылжар орталық мешітінің баспасөз қызметі
