18 ақпан Қызылжар ауданы, Бескөл ауылы «Кәусар» мешітінің ұйымдастыруымен, Қызылжар аудандық Бескөл ауылының мәдениет үйінде мәуліт мерекесі аталып өтті. Мәулітке «Қызылжар» орталық мешітінің Бас имамы Дүйсенбай Кенжетай қажы  Байкемелұлы, орталық мешіттің наиб имамдары Исаев Қасымхан және Тұяқбаев Бақтығали   қатысты. Өкіл имам Пайғамбарымыздың(с.ғ.с.) өмірбаяны турасында уағыз айтты. Мәуліт оқылып, дұға жасалды.

Мешіт шәкірті Әлихан Алдиярұлы Пайғамбарымызға(с.ғ.с.) салауат айтты. Мереке барысында мәдениет үйінің қызметкерлерінің ұйымдастыруымен кішігірім діни тақырып аясында,  концерттік бағдарлама және жергілікті ақындардың қатысуымен айтыс өтті. Мәулітті өткізуге демеушілік көрсеткен азаматтарды өкіл имам алғыс хаттармен марапаттады. Мереке соңында Құс фабрикасының асханасында жиналған жамағатқа ас берілді.

«Қызылжар» орталық мешітінің

баспасөз қызметі