Құбан айт мерекесінің құрметіне Қызылжар Орталық мешітінің әйел-қыздар секторының ұйымдастыруымен «Тәтті тағамдар жәрмеңкесі» өтті. Мешіттің ауласында екі қазан палау пісіріліп одан 300 ден астам адам дәм татты. Мешіттің жамағаты мен басқа да қала тұрғындары арасында ұлттық ойындардан жарыстар өткізілді. Арқан тарту, қазақша күрес, гір көтеру , қой көтеру басқа да ойындардың көркі қызды. Шәкірттер арасында құраннан сүрелер оқудан да жарыс болды. Құрбан айт мерекесіне қатысқандарға сыйлық берілді. Сонымен бірге ұлық мерекеде мешіттің тазалықшылары мен техникалық қызметкерлері де сыйлықталды. Тәжірибеден өтіп жүрген екі шәкіртке де демеушілердің атынан ақшалай сыйлық табысталды.
Қызылжар орталық мешітінің баспасөз қызметі
