ҚМДБ-ның оқу ағарту бойынша жолдамасымен «Имамдардың тәжірибе алмасу» мақсатында Ғ.Мүсірепов ауданы «Жұман қожа» мешітінің наиб имамы Кулмешов Руслан апталық іс-сапарға Ақтөбе облысы Ақтөбе қаласына барды. Мұнда «Нұр ғасыр» орталық мешітінде атқарып жатқан жұмыстарымен және бағдарламаларымен танысты.
Іссапарда жүрген наиб имам Руслан Күлмешовпен телефон арқылы хабарласып іссапардағы жұмыс барысы туралы сұрап білдік:
500 мың тұрғыны бар Ақтөбе қаласында төрт қабатты «Нұр ғасыр» орталық мешіті 2000 адамға шақталып салынған. Бірақ мешітке келуші жамағат саны одан көп екен. Мешітте 40 –тан астам адам санитарлық, техникалық қызметтер көрсетеді. Қалада жалпы 10 мешіт бар. Білікті, тәжірибелі имамдар саны жеткілікті. Халқы таза қазақ тілінде сөйлейді. Сондықтан болар, имамдарға түрлі сұрақтармен жүгінетін адамдар саны көп.
Орталық мешіттің іс басқарушысының атқарып жатқан жұмыстарымен жұмыс жоспарларымен таныстым. Мешіттің барлық имамдарымен сұқбаттастым. Тәжірибе алмастым. ҚМДБ-ның оқу-ағарту жұмыстары бойынша берген бұл жолдамасы менің алдағы жұмысыма үлкен серпін береді,-деп ойлаймын дейді, наиб имам Руслан Күлмешов.
Қызылжар орталық мешітінің баспасөз қызметі
