Сан жағынан аз емес, ең бастысы – дінге берік түрік диаспорасы бұрын бір оразада да екі рет ауызашар беретін. Биыл олар оразаның соңғы аптасында ауызашар дастарқанын жайды.
Жамағат «Қызылжар» орталық мешітінің үлкен асханасын лық толтыра жиналды. Онда шешен-ингуш диаспорасының жетекшісі Сайп Байдуев және басқалалар тілектерін жеткізді. ҚМДБ-ның СҚО бойынша өкіл имамы, «Қызылжар» орталық мешітінің бас имамы Кенжетай қажы Байкемелұлы оразаның сауабы туралы уағызбен шектелмей, ұлтаралық татулық туралы жылы лебізін білдірді.
«Қызылжар» орталық мешітінің
баспасөз қызметі
