Солтүстік Қазақстан облысында жұмыс сапарымен ҚМДБ шариғат және пәтуа бөлімінің маманы, РАНТ мүшесі Бауыржан Абдуалиев болды.
Бауыржан Абдуалиевтің өңірге сапары «Қызылжар» орталық мешітінен басталды. Ол қала, аудан бас имамдарының біліктілігін арттыру мақсатында семинар өткізіп, облыс имамдарының толғандырған сауалдарын тыңдап, мардымды жауап берді.
Сонымен қатар бұл күні ол қалалық «Қызылжар» мешітінде ақшам намазынан кейін жамағатқа жайылған дастархан басында «Нәпсі тәрбиесі» тақырыбында уағыз насихат айтты.
Сапардың екінші күні Бауыржан Абдуалиев облыстық «Қызылжар» орталық мешітінде жергілікті жамағатқа «ОТАННЫҢ ҚАДІРІН БІЛМЕГЕН, ӨЗ ҚАДІРІНЕ ЖЕТПЕЙДІ» тақырыбы төңірегінде жұма уағызын айтты.
