Бүгін «Қызылжар» орталық мешітінің бастамасымен, Солтүстік Қазақстан облысының аудан, ауылды жерде орналасқан мешіттердің 4 имамына «Уақып» корпоративтік қайырымдылық қорынан бөлінген қаражат табысталды. Көмектің орташа мөлшеріндегі құрамы – 50-75 мың теңге. ҚМДБ-ның СҚО бойынша өкіл имамы «Қызылжар» орталық мешітінің бас имамы Кенжетай қажы Байкемелұлы бұл игі бастаманың дін қызметкерлеріне әлеуметтік жағдайын жақсартуда өте қажет екенін атап өтті. Және қорға осындай игі іс-шара жасап жатқандарына алғысын білдірді.
