ҚМДБ Қазақстан мұсылмандары діни басқармасының наиб мүфтиі, республикалық ақпарат-насихат тобының мүшесі Сансызбай Шоқанов жұмыс сапарымен Солтүстік Қазақстан облысында болды.
Ең алдымен Сансызбай Құрбанұлы қала, аудан бас имамдарының біліктілігін арттыру мақсатында «Уағыз айту әдебі» тақырыбында семинар өткізіп, облыс имамдарының толғандырған сұрақтарына жауап берді.
Сапар аясында Сансызбай Құрбанұлы құптан намазы алдында мешітке жиылған жамағатқа «Ілім алу» тақырыбы төңірегінде уағыз насихат жүргізді.
Сонымен қатар ҚМДБ Төрағасының орынбасары наиб мүфти жергілікті кәсіпкерлермен жүздесіп, қайырымдылық жасау, көмек көрсету, зекет шығарудың маңыздылығы мен сауабы туралы кеңінен айтты.
