Жылдағы дәстүр бойынша «Қызылжар» орталық мешітінде жазғы лагерь жұмыс істейді. Бұл – каникул кезінде оқушылар діни сауат ашуға мешітке келіп, дәріс алады деген сөз.
Биыл жазда орталық мешітке 9 оқушы келіп-кетіп жүр. Олар аз уақыттың ішінде әріптерді танитын деңгейге көтерілді. Кейбіреулер аят та оқи алады.
Сәрсенбі күні олармен кездесу өткізген «Әжелер мектебінің» өкілдері, міне, осыған көз жеткізді. Әу бастан қалталары тәттіге толы әжелер жазғы лагерь шәкірттеріне жағалай сыйлықтарын үлестірді. Одан кейінгі дастарқан басындағы отырыс та ойынға толы болды.
«Қызылжар» орталық мешітінің
баспасөз қызметі
