23-Сәуір калалық “Нұр” мешітінің ұйымдастыруымен кезекті сенбілік өтті. “Тазалық – иманнан” деген xадисті ескере отырып, сенбілік тазалыққа мешіт жамағаты ат салысты. Қай-қайсысы да мұндай іс-шараларға белсене қатысуға әзір екендіктерін айтты. Күнді текке өткізбей, мешіт алаңының тазалығына кішкентай болса да үлес қосқандарына риза болды. Іс-шара мешіттің маңын тазалыққа келтіріп, ағаш көшеттер отырғызу мақсатында жүргізілді. Сенбілік кезінде аулалар және іргелес аумақтар тазаланды.
Алдағы уақытта бұл шара жалғасын таппақ.
“Қызылжар” орталық мешітінің
баспасөз қызметі
